"Дунё" МАның хабар бериўинше, IV Халықаралық фармацевтика форумы шеңберинде гибрид форматта өткерилген илаж Өзбекстанның Швециядағы елшиханасы ҳәм Ташкенттеги Швеция Саўда ҳәм инвестициялар кеңеси (“Business Sweden”) менен биргеликте шөлкемлестирилди.
Онда еки мәмлекеттиң жетекши эксперт ҳәм қәнигелери, соның ишинде, Өзбекстан Денсаўлықты сақлаў министрлиги, "Ўзфармсаноат" ассоциациясы, Каролина институты, Швеция дәри-дәрмақ агентлиги, “AstraZeneca”, “Vision Zero Cancer” ҳәм басқа да компаниялардың жуўапкерлери қатнасты.
Өзбекстан денсаўлықты сақлаў министри Асилбек Худоёров әнжуман қатнасыўшыларына қутлықлаў жоллады.
Илаж шеңберинде еки мәмлекеттиң денсаўлықты сақлаў ҳәм фармацевтика системаларын раўажландырыў ушын жаратылған имканиятлар бойынша презентация өткерилди.
Додалаўларда онкология ҳәм фармацевтика тараўындағы бирге ислесиў перспективалары, жаңа жойбарларды ислеп шығыў, тәжирийбе алмасыў ҳәм биргеликтеги изертлеўлер өткериў мәселелери көрип шығылды. Сондай-ақ, ерте диагноз қойыў, емлеўдиң инновациялық усылларын енгизиў, скрининг системасын раўажландырыў ҳәм онкологиялық жәрдем сапасын арттырыў мәселелерине итибар қаратылды.
Шөлкемлестириўшилердиң пикиринше, бул дөгерек сәўбети медицина тараўында Өзбекстан-Швеция бирге ислесиўин беккемлеў ҳәм онкологиялық кеселликлерге шатылған наўқаслар ушын медициналық жәрдем көрсетиўдиң сапасын жақсылаў жолындағы әҳмийетли қәдем болды.
