Атап айтқанда, Түркия саўда министриниң орынбасары Мустафа Тузжу, аўыл ҳәм тоғай хожалығы министриниң орынбасары Аҳмед Багчи, Эксимбанк директоры Али Гюней және Контролматик, Анадолу Гроуп, Акгüн Груп, Сам Япи, Фернас Гроуп, Коç, Металлургй, Ася Модерн Серачилик, Сарыкоç Ҳолдинг, Бактат Гида сыяқлы компаниялар басшылары менен сөйлесиўлер болып өтти.
Соңғы бес жыл ишинде Өзбекстан ҳәм Түркия арасындағы өз-ара саўда көлеми 1,3 есеге өсип, 3 миллиард доллардан асты. Еки мәмлекет экономикаларының өнимлерди өз-ара жеткерип бериў көлемин сезилерли дәрежеде арттырыў имканиятларына ийе екенине толық исеним пайда еткен ҳалда тәреплер товар номенклатурасын кеңейтиў, электрон коммерцияны кеңнен қолланыў, товарларға еркин кириў имканиятларын арттырыў ҳәм басқа да көплеген илажларды додалады.
Соның менен бирге, Өзбекстан Түркияның аўыл хожалығын мәмлекет тәрепинен қоллап-қуўатлаў ҳәм қамсызландырыў системасын енгизиў бойынша алдынғы тәжирийбесин үйренип, әмелиятқа енгизеди. Сондай-ақ, халықаралық стандартларға муўапық өзбек-түрк селекция ҳәм сынаў орайын шөлкемлестириў бойынша келисимге ерисилди.
Кәрханалардың басшылары менен өткерилген сөйлесиўлерде денсаўлықты сақлаў, электр энергетикасы, аўыл хожалығы өнимлерин қайта ислеў ҳәм азық-аўқат санааты, қурылыс материаллары, химия өнимлери ҳәм минерал төгинлер ислеп шығарыў ҳәм басқа да тараўларда ири жойбарларды әмелге асырыўға келисип алынды, деп хабар береди Инвестициялар, санаат ҳәм саўда министрлигиниң баспасөз хызмети.
