Ушырасыўда Өзбекстан ҳәм Қытай арасындағы көп тәреплеме бирге ислесиў байланыслары стратегиялық дәрежеге көтерилгени айрықша атап өтилди.

Сөйлесиў даўамында аймақлараралық байланыслар избе-из кеңейип атырғаны атап өтилди. Соның менен бирге, еки мәмлекеттиң жергиликли ўәкилликли уйымлары арасындағы сөйлесиўди буннан былай да раўажландырыў мәселелери де додаланды.

Тәреплер экономика, инвестиция, билимлендириў, мәденият ҳәм туризм бағдарларында өз-ара бирге ислесиўди буннан былай да кеңейтиўге және парламентлераралық сөйлесиўди жеделлестириўге келисип алды, деп хабар береди Олий Мажлис Сенатының баспасөз хызмети.

Сондай-ақ, 2025-жыл 5-9-апрель күнлери Ташкент қаласында болып өтетуғын Парламентлераралық аўқамның 150-юбилей ассамблеясында Қытай парламенти делегациясының қатнасыўы бойынша пикир алысылды. Қытай тәрепиниң бул абырайлы илажға үлкен қызығыўшылық билдирип атырғаны еки мәмлекет арасындағы дослық байланыслардың және бир айқын көриниси болды.

Бул ушырасыў Өзбекстан-Қытай стратегиялық шериклик қатнасықларын беккемлеў ҳәм және де раўажландырыў жолында әҳмийетли қәдем болып хызмет етеди.