Өзбекстан делегациясының гезектеги ушырасыўы Литва "Санаатшылар конфедерациясы"ның басшысы ҳәм ағзалары менен болып өтти.

Онда пуқараларымызды усы мәмлекетте шөлкемлескен тәртипте жумысқа жайластырыў көлемин арттырыўға қаратылған бирге ислесиў меморандумына қол қойылды.

Конфедерация ағзаларының атап өтиўинше, Литвада ислеп атырған ўатанласларымыздың мийнеткешлиги, өзлерин жақсы көрсете алғаны себепли айдаўшы ҳәм механиклерге талап жоқары.

Бул талапты қанаатландырыў мақсетинде Өзбекстанның өзинде Конфедерация қурамына киретуғын “GIRTEKA” ҳәм “TVG Groupe” компаниялары менен биргеликте жүк автотранспорты айдаўшылары ҳәм механиклерин таярлаўшы оқыў орайлары шөлкемлестириледи.

Биринши басқышта 200 ўатанласымызды оқытып, айдаўшы ҳәм автомеханик кәсиплери бойынша Литвадағы бос жумыс орынларына орналастырыўға келисип алынды.

“GIRTEKA” компаниясында 4000 автотракттан ибарат өз автопарки бар. “TVG Groupe” компаниясының автопаркинде болса 800 автотракт бар.