Мәмлекетлик басқарыў, пуқаралық хызмети ҳәм илимий изертлеў бағдарлары бойынша БМШ системасында мәмлекетлик хызметкерлердиң маманлығын арттырыў бағдарламаларын өз ишине алған биргеликтеги басламаларды әмелге асырыўға келисип алынды.
Ушырасыў жуўмағында бирге ислесиў ҳаққындағы келисимге қол қойылды. Бул келисим "Эл-юрт умиди" қоры тарийхында БМШ системасы шөлкеми менен байланысларды беккемлеўши биринши рәсмий ҳүжжет болып есапланады.
Ҳүжжетке бола, тәреплер мәмлекетлик хызметкерлер ҳәм қор стипендиантларын таярлаў ҳәм қәнигелигин арттырыў бойынша биргеликтеги бағдарламаларды ислеп шығады ҳәм әмелге асырады, изертлеўлер ҳәм техникалық қолланбалар менен алмасады. Конференциялар, семинарлар, әмелий сабақлар ҳәм басқа да кәсиплик илажлар өткериў режелестирилген. UN ICSC санлы басқарыў, инсан ресурсларын басқарыў ҳәм пуқаралық хызмети әмелияты тараўларында экспертлик ҳәм техникалық жәрдем көрсетеди, деп хабар береди "Эл-юрт умиди" қорының баспасөз хызмети.
