"Өзбекстан темир жоллары" АЖ "Темир жол социаллық хызметлери" мәкемесине қараслы "Саламатлық" медициналық-санитариялық жәрдем поездында Аўғанстанның Балх ўәлаятына келген шыпакерлер медициналық тексериў өткерди.
"Саламатлық" медициналық-санитариялық жәрдем поезди 15 түрдеги медициналық әсбап-үскенелер менен үскенеленген жәми 28 медицина хызметкери ҳәм 5 темир жол қәнигелери менен тәмийинленген.
Өткен 3 күн даўамында шыпакерлер Аўғанстанның онлаған аймақларынан келген, жәми 1300 ден аслам пуқараны медициналық тексериўден өткерди. Соннан 576 ы еркек, 464 и ҳаял-қызлар ҳәм 273 и жас балалар болып есапланады.
Сондай-ақ, медициналық тексериў даўамында аўған пуқараларына 1,6 миллиард сумлық 50 түрдеги дәри-дәрмақ ҳәм гигиена қураллары тарқатылды.
Медициналық тексериў усы жылдың 30-декабрине шекем даўам етти.
