Ушырасыўда Куала-Лумпур ҳәм Ташкент арасында тиккелей авиақатнаўдың ашылыўы алдынан биргеликтеги маркетинг кампаниясын жолға қойыў мәселелери додаланды. Дәслепки пәрўаз 2025-жыл 14-ноябрьге режелестирилген. Кампания шеңберинде Өзбекстанның туристлик потенциалын үгит-нәсиятлаў мақсетинде АСЕАН мәмлекетлериниң тийкарғы базарларында бир қатар үгит-нәсият илажларын өткериў нәзерде тутылған.

Тәреплер «AirAsia X» пенен бирге ислесиў туризм тараўын раўажландырыў ушын жаңа имканиятлар жарататуғынына, мәмлекетлер арасындағы туристлик алмасыўды күшейтиўи ҳәм өз-ара экономикалық өсиўге үлес қосатуғынына исеним билдирди, деп хабар береди Туризм комитетиниң баспасөз хызмети.