Жарыста Өзбекстан, Қазақстан, Түркия, Әзербайжан ҳәм Қырғызстаннан 30 спортшы қатнаспақта. Олардың арасында Бибинисо Раҳмонова, Ҳусан Расулов, Низомиддин Хайриддинов, Акобир Шамсуддинов сыяқлы Өзбекстан миллий паралимпия сайланды командасының 8 ўәкили бар. Команданы бас тренер Мирзонаби Тошев басқармақта, деп хабар бермекте "Дунё" МА.
Турнир алдынан "Инклюзив спорт: түркий дүнья тәжирийбеси ҳәм келешеги" атамасында халықаралық форум өткерилип, онда түркий мәмлекетлердиң қәнигелери, илимпазлары ҳәм федерация ўәкиллери қатнасып, инклюзив спорт тараўындағы алдынғы тәжирийбелер, медициналық тәмийнат ҳәм заманагөй технологияларды қолланыў бойынша пикир алысты.
