Пәрманға бола, тоқымашылық кәрханаларына мәнзилли жәрдем көрсетиў мақсетинде олардың экономикалық ҳәм финанслық көрсеткишлеринен келип шығып, "жасыл", "сары" ҳәм "қызыл" категорияларға ажыратыў бағдарламасы әмелге асырылады.
Бағдарлама шеңберинде төмендегилерге рухсат бериледи:
коммерциялық банклер тәрепинен сатып алынған ҳәм толық төленген шийки зат ямаса өзи ислеп шығарған шийки затты гиреўге қойыў арқалы кәрханаларға Агентлик ресурслары есабынан 2 миллион АҚШ долларына шекем кредит ажыратыў;
саламатландырыў имканиятына ийе деп табылған кәрханалар ушын алдын алынған коммерциялық кредитлердиң мүддетин 7 жылға шекем созыў;
2026-2027-жыл январь-февраль айлары ушын графиклерде белгиленген пахта шийки затын сатып алыў ушын тартылған кредитлер бойынша төлемлерди кредит шәртнамасы мүддетиниң соңғы 6 айына тең бөлистириў арқалы төлеў.
