Өзбекстан Республикасы Президенти Шавкат Мирзиёев Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедовтың мирәт етиўине бола 22-август күни "Әзербайжан - Түркменстан - Өзбекстан" форматындағы үш тәреплеме саммитте қатнасыў ушын әмелий сапар менен усы мәмлекетте болады.
"Аваза" миллий туристлик зонасында болып өтетуғын илаждың күн тәртибине муўапық, көп тәреплеме бирге ислесиўди, бәринен бурын, саўда-экономикалық, транспорт-коммуникация, энергетика ҳәм гуманитарлық тараўларда раўажландырыў мәселелери көрип шығылады. Бир қатар қоспа ҳүжжетлерге қол қойылыўы нәзерде тутылған.
Мәмлекетимиз басшысы саммит шеңберинде еки тәреплеме сөйлесиўлер де өткереди.
25-ноябрь күни халық депутатлары Самарқанд ўәлаятлық Кеңесиниң гезексиз сессиясы болып өтти. Онда Өзбекстан Республикасы Президенти Шавкат Мирзиёев қатнасты.
Орайлық Азия өз раўажланыўының жаңа, тарийхый әҳмийетке ийе басқышына қәдем қоймақта. Бүгин биз ҳақыйқый тилеклеслик басқышына өтпектемиз. Бизиң регионымызда узақ жыллар даўамында биргеликте алға қарай барыўымыз ушын тийкар болып хызмет етип атырған өз-ара исеним, жақсы қоңсышылық ҳәм ҳүрмет орталығы қәлиплеспекте.
Өзбекстан Республикасы Президенти Шавкат Мирзиёев 5-ноябрь күни Вашингтон қаласына әмелий сапары шеңберинде өзине ажыратылған резиденцияда АҚШ Сенатындағы Орайлық Азия бойынша кокусының жәрдемши баслығы, сенатор Стив Дэйнсти қабыллады.
Өзбекстан Республикасы Президенти Шавкат Мирзиёев Вашингтон қаласына сапары шеңберинде 5-ноябрь күни өзине ажыратылған резиденцияда АҚШ Конгресси Ўәкиллер палатасының ағзалары Билл Хайзен, Кэрол Миллер ҳәм Сидней Камлагер-Давты қабыллады.
Президент Шавкат Мирзиёев Қырғызстан Президенти Садир Жапаровтың Самарқандта ЮНЕСКО Бас конференциясының 43-сессиясы ашылыўы мүнәсибети менен жоллаған қутлықлаўына жуўап ретинде хат жоллап, онда усы мәмлекеттиң абырайлы делегациясы илажда қатнасып атырғаны ушын Қырғызстан тәрепине миннетдаршылық билдирди.
