Жойбар Сурхандәрьяның тарийхы, дәстүрий өнерментшилиги ҳәм көркем өнерин көрсетиў ушын заманагөй инфраструктураға ийе мәдений-дем алыў орны сыпатында әмелге асырылды.
Комплекс 10 миллион доллар инвестиция есабынан қурылған. 6 гектар майданда тарийхый усылдағы имаратлар, шаңарақлық мийман үйи, домбыра устаханасы, бақсышылық көргизбеси, миллий тағамлар рестораны, балалар ойын майданшасы, музыкалы фонтанлар қурылған.
Қала жылына 180 мың туристке хызмет көрсетиў қуўатлылығына ийе болып, 250 адам турақлы жумыс пенен тәмийинленеди. Мийманлар тек ғана өнерментлердиң буйымларын сатып алыў емес, ал олардың таярланыў процесин де бақлаўы мүмкин.
Президентимиз туризм комплексинде жаратылған шараятларды көзден өткерди, өнерментлер менен сәўбетлести, мийманлар ушын таярланған көркем бағдарламаны көзден өткерди.
