Нызам аўыл хожалығы қәўип-қәтерлерин қамсызландырыў тараўындағы қатнасықларды тәртипке салады.
Аўыл хожалығы өнимин ислеп шығарыўшылар аўыл хожалығы өнимин ислеп шығарыўда төмендеги бир ямаса бир неше қәўиплер бойынша аўыл хожалығы қамсызландырыў шәртнамаларын дүзеди:
тәбийий ҳәм техноген апатшылықлар;
өрт;
өсимликлердиң зыянкеслер ҳәм кеселликлерден зыянланыўы;
аўыл хожалығы ҳайўанларының жуқпалы кеселликлериниң тарқалыўы ҳәм зәҳәрлениўи;
жабайы ҳайўанлар тәрепинен егинлердиң қыйратылыўы ямаса аўыл хожалығы ҳайўанларына зыян жеткерилиўи;
үшинши шахслардың ис-ҳәрекетлери.
Аўыл хожалығы министрлиги бул тараўда муўапықластырыўшы мәмлекетлик уйым болып есапланады.
Аўыл хожалығы қамсызландырыўын мәмлекет тәрепинен қоллап-қуўатлаў қамсызландырыў сыйлықларының бир бөлегин және жеткерилген зыянның қамсызландырыў сыйлықлары ҳәм қайта қамсызландырыў қаржылары есабынан компенсацияланбаған бөлегин қаплаў ушын бюджет субсидияларын ажыратыў арқалы әмелге асырылады.
Ҳүкимет тәрепинен аўыл хожалығы қамсызландырыўшысы сыпатында Аўыл хожалығы қамсызландырыў қоры шөлкемлестириледи.
Нызам рәсмий жәрияланған күннен баслап 3 ай өткеннен кейин күшке киреди.
