Атап өтиў орынлы, бул саммит Аралбойы регионын көркем өнер, мәденият, дизайн ҳәм илим-пән арқалы социаллық ҳәм экологиялық жақтан өзгертиўге бағышланған жаңа баслама болып есапланады.
Арал мәденияты саммити Арал теңизи кризиси ҳәм глобал климат машқалаларын шешиўдиң турақлы шешимлерин үйрениў ҳәм әмелге асырыў мақсетинде Нөкис ҳәм Самарқанд қалаларындағы жетекши мәденият ғайраткерлери, сиясатшылар, художниклер ҳәм қоршаған орталықты қорғаў тараўындағы экспертлерди бирлестирмекте.
Бул саммит Самарқанд қаласындағы биринши Глобал климат форумының мақсетлерин қоллап-қуўатлайды.
Бүгин Бердақ атындағы Қарақалпақ мәмлекетлик университетинде "Өзбекстан - көп миллетли татыў шаңарақ" атамасында фестиваль шөлкемлестирилип, онда университеттиң профессор-оқытыўшылары, студент-жаслар, сондай-ақ, Наманган мәмлекетлик техника университети менен Үргенш мәмлекетлик университетинен делегациялар қатнасты.
Бүгинги күнде билимлендириў, илим ҳәм экология тараўларындағы бирге ислесиў жаңа басқышқа көтерилмекте. Бул бағдардағы ең алдыңғы басламалардан бири - Қарақалпақ мәмлекетлик университети аймағында қурылған "Илим-ағартыўшылық бағы". Бул бағ Наманган мәмлекетлик техника университетиниң басламасы ҳәм илимий қатнасы тийкарында турмысқа енгизилди.
Президентимиздиң басламасы менен мәҳәллелерде қыйтақ жерлерден пайдаланыўды шөлкемлестириў арқалы халықтың бәнтлигин ҳәм дәраматларын арттырыўға қаратылған жумысларды буннан былай да жеделлестириў бойынша әмелге асырылып атырған илажлар шеңберинде, мәҳәллелердеги қыйтақ жерлерден пайдаланыўдың нәтийжелилигин арттырыў, мәҳәллелерди абаданластырыў ҳәм көклемзарластырыў бойынша орнатылған жаңа система тийкарында Қанлыкөл районында да бир қатар илажлар әмелге асырылмақта.
Биринши Самарқанд халықаралық климат форумы шеңберинде Инвестициялар, санаат ҳәм саўда министрлиги тәрепинен Өзбекстанда "жасыл экономика"ны раўажландырыўға қаратылған бир қатар ҳүжжетлерге қол қойылды.
Әжинияз атындағы Нөкис мәмлекетлик педагогикалық институтында қазақ халқының уллы шайыры, әдебий тил ҳәм жазба әдебиятының тийкарын салыўшысы, ағартыўшы, философ, композитор, аўдармашы ҳәм жәмийетлик ғайраткери Абай Қунанбай улының 180 жыллық юбилейине арналған «Абай руўхый ғәзийнесиниң түркий дүньясына тәсири» атамасындағы халықаралық илимий-теориялық конференциясы болып өтти.
