Нөкис қаласындағы тест сынақлары өткерилетуғын орынлар қатарында Әжинияз атындағы Нөкис мәмлекетлик педагогикалық институты спорт комплексинде де абитуриентлер тест сынақларына қатнаспақта.
Бул жерде абитуриентлердиң ата-аналары ушын күтиў орынлары, тест процесин онлайн бақлаў имканияты, сондай-ақ, басқа да зәрүр шараятлар жаратылды.
Мағлыўмат орнында атап өтиў керек, тест сынақлары күнине еки сменада – 1-смена 08:00 ден 11:00 ге шекем, ал 2-смена 15:00 ден 18:00 ге шекем болып өтеди.
Қарақалпақстан Республикасында жоқары ҳәм кәсиплик билимлендириў мәкемелерине кириў тест сынақларына улыўма 32 700 ден аслам абитурентлер қатнасыўы күтилип атырған болып, тест сынақлары усы жылдың 22-июль күнине шекем даўам етеди.
Тест сынақлары толық видеобақлаў арқалы онлайн трансляция етилмекте ҳәм процессти test2025.uz сайты арқалы онлайн бақлап барыў имканияты жаратылған.
Минажатдин Қутлымуратов,
«Янги Ўзбекистон» хабаршысы.
