Усы жылы «Узтемирйулконтейнер» акционерлик жәмийети "Түркменбашы" порты арқалы Европа мәмлекетлерине контейнер тасыўды табыслы шөлкемлестирди. Минерал төгинлер, калий, карбамид, алюминий ҳәм мыс жүклери орнатылған жәми 18 блок-поезди жиберилди.
Атап айтқанда, 2025-жылы "Сергели" станциясынан 380, "Назарбек" станциясынан 228 ҳәм "Асеке" станциясынан 25 контейнер жиберилген.
Жүклер Италия, Греция, Түркия, Болгария, Швейцария, Әзербайжан ҳәм Европаның бир қатар мәмлекетлерине жиберилген.
Бул жөнелис бойынша блок-поезлардың иске қосылыўы Өзбекстанның экспорт потенциалын арттырыў, транспорт-логистика системасын диверсификациялаў ҳәм халықаралық транспорт коридорларында мәмлекетимиздиң бәсекиге шыдамлылығын арттырыўда үлкен әҳмийетке ийе.
