Өзбекстанның Москвадағы елшиханасында Миграция агентлигиниң директоры Беҳзод Мусаев Россияда жумыс алып барып атырған 20 ға шамалас ири компаниялардың басшылары менен ушырасыў өткерди.
Сөйлесиў тәреплер ушын нәтийжели болды. Жуўмағында “ANT YAPI”, “ОЗОН КОМЬЮНИТИ”, “ПЭК” ҳәм “СПАР МИДЛ ВОЛГА” компаниялары менен 7000 ўатанласымызды усы компанияларға шөлкемлескен тәризде жумысқа жайластырыў бойынша бирге ислесиў шәртнамаларына қол қойылды.
Бул компаниялардың жумысшыларға жаратқан шараятлары, айлық мийнет ҳақылары толық үйренип шығылды. Февраль айында аймақларда талабанларды сайлап алыў илажлары болып өтеди.
