Индонезияның Бали қаласында өткерилип атырған қылышпазлық бойынша Азия чемпионатында Өзбекстан сайланды командасы гезектеги медальға ийе болды.
Атап өтилиўинше, сабля бойынша ҳаял-қызлар сайланды командамыз бронза медалын қолға киргизди.
Саралаўда Қытай Тайпейи, Гонконг командаларын жеңген қызларымыз ярым финалда Қубла Кореяға 42:45 есабында имканиятын қолдан берди. Үшинши орын ушын беллесиўде болса қытайлы қарсыласларынан 45:43 есабында үстин келди.
Түркияның Стамбул қаласында "Satellite" сериясындағы қылышласыў жарыслары болып өтти, онда Өзбекстан сайланды командасының спортшылары қатнасты. Турнир жуўмағында Муса Аймуратов бронза медалын қолға киргизди.
Бельгияның Гент қаласында қылышласыў бойынша «Flemish Open» халықаралық турнири болып өтпекте. Сабля бойынша Өзбекстан сайланды командасының ағзасы Зайнаб Дайыбекова бронза медалын қолға киргизди.
Қытайдың Уси қаласында қылышласыў бойынша жас өспиримлер ҳәм жаслар арасындағы жәҳән чемпионатының командалық бағдарламасында қатнасқан сабляшы жасларымыз қызлар ҳәм жигитлер арасындағы бағдарламаларда бронза медалларына ийе болды.
