Индонезияның Бали қаласында өткерилип атырған қылышласыў бойынша Азия чемпионатында Өзбекстан сайланды командасы және бир медальға еристи.
Атап өтилиўинше, бул рет сабляшыларымыз командалық бағдарламада минберге көтерилди.
Дәслепки басқышта Макаоны 45:15 жеңген жерлеслеримиз шерек финалда Қытайдан 45:43 есабында үстемлик етти.
Бирақ маўасасыз өткен ярым финал беллесиўинде Японияға 44:45 есабында имканият қолдан берилди. Үшинши орын ушын болып өткен беллесиўде болса Гонконг 45:39 есабында жеңилди.
Түркияның Стамбул қаласында "Satellite" сериясындағы қылышласыў жарыслары болып өтти, онда Өзбекстан сайланды командасының спортшылары қатнасты. Турнир жуўмағында Муса Аймуратов бронза медалын қолға киргизди.
Бельгияның Гент қаласында қылышласыў бойынша «Flemish Open» халықаралық турнири болып өтпекте. Сабля бойынша Өзбекстан сайланды командасының ағзасы Зайнаб Дайыбекова бронза медалын қолға киргизди.
Қытайдың Уси қаласында қылышласыў бойынша жас өспиримлер ҳәм жаслар арасындағы жәҳән чемпионатының командалық бағдарламасында қатнасқан сабляшы жасларымыз қызлар ҳәм жигитлер арасындағы бағдарламаларда бронза медалларына ийе болды.
