Марафон шеңберинде Нөкис қаласындағы шаңарақлық поликлиникаларда ҳәм жәмийетлик орынларда халыққа кең көлемли диагноз қойыў жумыслары әмелге асырылмақта. Санлы технологиялар ҳәм AI TOP-3 CDSS, MuxlisaMED AI ҳәм AI Mammo сыяқлы инновациялық шешимлердиң енгизилиўи нәтийжесинде диагностика ҳәм емлеў және де анық ҳәм нәтийжели болмақта.
Төрт күн даўамында дерлик 12 мың адам тексериўден өткерилди, соннан 1 мың 700 ден асламы тереңлестирилген тексериўлерден өткерилди, 116 наўқас емлеўди даўам еттириўге жиберилди.
Сондай-ақ, Саида Мирзиёева Қарақалпақстан медицина институтының балалар хирургиясы бөлиминде болып, қыйын операцияларды өткерген балалар менен сәўбетлести.
Олардың мәртлиги, шын жүректен күлип турыўы руўхый күш ҳәм турмысқа исеним белгиси болды, - деп атап өтти ол.
Марафон шеңберинде еки жаңа жойбар - санлы шаңарақ паспортын енгизиў арқалы "Шаңарақ саламатлығы мектеби" ҳәм жаслардың халықтың медициналық саўатлылығын арттырыўға жәрдем бериўши "Саламатлық волонтёрлары" жойбарлары иске қосылды.
- Денсаўлықты сақлаўды заманагөй ҳәм ҳәмме ушын қолайлы етиў идеясынан руўхланған "Медицина новаторлары" жәмийетиниң жас қәнигелерине шын жүректен миннетдарман.
Миллет саламатлығы - улыўма жолымыз ҳәм улыўма жуўапкершилигимиз, - деп атап өтти Саида Мирзиёева.
