Суўшылар еки бағ жаратты

Қарақалпақстанлы суўшылар да бул жойбарда белсене қатнаспақта.

– Усы жойбар тийкарында 2024-жылы система шөлкемлеринен Қарақалпақстан насос станциясы ҳәм энергетика басқармасы тәрепинен Хожели районындағы резервтеги жерден 11 гектар майданға “Суўшылар бағы” шөлкемлестирилди,-дейди Қарақалпақстан Республикасы Суў хожалығы министрлигиниң мәлимлеме хызмети баслығы Ғ.Атажанов.

Буннан тысқары, Хожели районындағы Жаңажап аўыл пуқаралар жыйыны аймағында 5 гектар майданда “Жаңа бағ’” шөлкемлестирилип, оған 2250 түп мийўели ҳәм саяманлы терек нәллери егилди.

Улыўма миллий жойбардың гүзги мәўсиминде жәми 221,0 мың түп нәл егиў белгиленип, нәллерди егиўдиң күнлик бөлистириўи (график) ислеп шығылып, барлық система шөлкемлеринде бул бағдардағы жумыслар қызғын даўам етпекте.

Сондай-ақ, каналлар әтирапына мәўсим басынан 184 мың 100 түп нәл отырғызылып, реже 83,3 процентке орынланды.

Ә.Жийемуратов,

Қарақалпақстан хабар агентлиги.

Шорланған жерлерге өсиўге бейимлескен өсимликлер анықланады

Экология, қоршаған орталықты қорғаў ҳәм климат өзгериўи министрлиги тәрепинен әмелге асырылып атырған жойбар шеӊберинде Тоғай хожалығы илимий-изертлеў институты хызметкерлери Арал теӊизиниӊ қурыған түбинде шорланған топырақларда жетистириў ушын бейим өсимлик түрлерин анықлаў бойынша сынақлар өткермекте.

Нөкисте 2 ҳәкимшилик орай шөлкемлестириледи

Қарақалпақстан Республикасыныӊ Нөкис қаласында еки Ҳәкимшилик орай шөлкемлестириледи. Бул ҳаққында усы жылдыӊ 13-декабрь күни қабыл етилген Министрлер Кабинетиниӊ «Нөкис қаласыныӊ бас режесин тастыйықлаў ҳаққында»ғы қарарында сөз етиледи.

Пайтахтымызда Өзбекстан кубоги болып өтпекте

Нөкис Олимпия ҳәм паралимпия спорт түрлерине таярлаў орайында спорттың белбеўли гүрес түринен ер балалар ҳәм қызлар арасында Өзбекстан кубоги болып өтпекте.

Шор жуўыў жумысларын кешиктириўге болмайды

Төрткүл районындағы “Қўшназар пахтакор” фермер хожалығы атызларында шор жуўыўға жерлерди таярлаў ҳәм усы агротехникалық илажларды әмелге асырыўда әҳмийет қаратыў керек болған мәселелерге бағышланған көргизбели семинар болып өтти.

Европа грант жойбарларында қатнасыў бойынша зәрүр билимге ийе болды

Бердақ атындағы Қарақалпақ мәмлекетлик университетинде Европа грант жойбарларында қатнасыў бойынша онлайн тәризде «ЗООМ» платформасы арқалы семинар болып өтти.

Жәбирленген адамлар менен бирге ислесиў усыллары үйретилди

Өзбекстан Республикасы Президенти жанындағы Социаллық қорғаў миллий агентлиги ҳәм Бирлескен миллетлер шөлкеми халық фонды (UNFPA) менен биргеликте Өзбекстан Республикасы Президентиниң «Басым ҳәм зорлықтан жәбирленген шахсларға социаллық хызметлер көрсетилиўин жетилистириў бойыша қосымша илажлар ҳаққында»ғы қарарының әҳмийетин үгит-нәсиятлаў, сондай-ақ «Басым ҳәм зорлықтан жәбирленген адамлар менен ислесиў» темаларында қәнигелердиң илимий тәжирийбесин арттырыў мақсетинде, Тахтакөпир районында оқыў семинары шөлкемлестирилди.

Мектеп питкериўшилериниң де бәнтлиги тәмийинленбекте

Өзбекстан Республикасы Президентиниң 2024-жыл 2-февральдағы «Улыўма орта билим бериў мәкемелеринде оқыўшыларды шет тили ҳәм заманагөй кәсиплерге оқытыў бойынша қосымша илажлар ҳаққында» ғы қарарына муўапық 2024-2025-оқыў жылынан баслап кәсип-өнерге оқытыўдың жаңа системасы енгизилди.

Ҳеш нәрсе суўдың орнын баса алмайды

Ҳәммемизге белгили, регионымызда барған сайын күшейип атырған суўдың жетиспеўшилиги себепли Әмиўдәрьядан Арал теңизиниң қубла аймақларына жетип баратуғын суўдың муғдары жылдан-жылға азайып бармақта. Бул нәрсе суў ресурсларынан үнемли пайдаланыўды, суўдың ысырапкершилигиниң алдын алыўға қаратылған кешиктирип болмайтуғын әҳмийетли илажларды әмелге асырыўды талап етпекте.

Суўшылар еки бағ жаратты