Бул ҳаққында Kazinform агентлигиниң өз хабаршысы хабар бермекте.
Бул ҳаққында есап бериў мәжилисинде Тәжикстан қаржы министри Файзиддин Қаҳҳорзода мәлим етти.
Халықаралық бирге ислесиўшилердиң инвестицияларын тартыў есабынан қаржыландырыў көлеми артыўы мүмкин екенлигин атап өтти.
- Бул қаржыларды алыў ушын Тәжикстан ҳүкимети орынлаўы керек болған белгили шәртлер бар еди. Барлық шәртлер орынланды ҳәм Жәҳән банкиниң 350 миллион доллар муғдарындағы биринши траншы бойынша қаржыландырыў басланды. Бул шөлкемнен қосымша 300 миллион доллар муғдарында қаржы ажыратыў бойынша сөйлесиўлер табыслы жуўмақланды. Бул ресурслар усы жылдың орталарында пайдаланыўға тапсырылыўы күтилмекте, деди Қаҳҳорзода.
Спикердиң қосымша етиўинше, Ислам раўажланыў банки, Саудия раўажланыў қоры, Кувейт раўажланыў қоры, Азия инфраструктуралық инвестициялар банкиниң жәми 850 миллион долларлық қаржыларын тартыў бойынша да тәртип-қағыйдалар жуўмақланбақта.
Рогун ГЭСи - Тәжикстанда Рогун қаласы жанында, Вахш дәрьясында қурылып атырған гидроэлектростанция. Жойбар жуўмақланғаннан соң, бийиклиги 335 метр болған ГЭС бөгети дүньядағы ең бийик, орнатылған қуўатлылығы 3780 МВт болған станция болса Орайлық Азиядағы ең ири станция болады. CASA -1000 жойбары шеңберинде Пакистанға электр энергиясын жеткерип бериў режелестирилмекте, деп хабар бермекте inform.kz.
