Усы жылдың 13-15-май күнлери болып өтетуғын бул "Өзбекстан энергетика ҳәптелиги - 2025" бир қатар ири илажларды өз ишине алады.
Атап айтқанда, "Өзбекстан нефть ҳәм газ - OGU 2025" 27-халықаралық көргизбе ҳәм конференциясы, "Энергетика, энергия үнемлеў, атом энергетикасы, альтернатив энергия дәреклери - Power Uzbekistan 2025" 18-халықаралық көргизбеси, "Орайлық Азияның жасыл ҳәм энергия үнемлеўши технологиялары - GETCA" қәнигелестирилген бөлими 5-халықаралық энергетика конференциясы, сондай-ақ, халықаралық шериклер менен бир қатар G2В ҳәм В2В ушырасыўлары болып өтеди.
Буннан тысқары, көргизбе конференциялары шеңберинде сырт ел ҳәм жергиликли компаниялар, халықаралық экспертлер жәмийетшилиги ҳәм ғалаба хабар қуралларының ўәкиллери қатнасыўында тараўға байланыслы әҳмийетли темалар бойынша бир қатар халықаралық көргизбе ҳәм конференциялар өткерилиўи режелестирилген.
