Солай етип, 51 килограмм салмақта еки мәрте Олимпиада чемпионы, үш мәрте жәҳән чемпионы болған Ҳасанбой Дўсматов тәжикстанлы Меҳрож Суфижоновты жеңип, ярым финалға шықты. Буннан кейин Хожаназар Нортожиев (57 кг) армениялы Жираир Саркисянға, Жавоҳир Умматалиев сербиялы россиялы Артём Агеевқа жеңилиске ушыратты.
Аўыр салмақлы спортшымыз Төребек Ҳабибуллаевтың кубалы Хулио Сезар Ла Крузды жеңгени торт үстиндеги шийедей болды. Бес қаптал төрешиден тек ғана биреўи кубалы ушын даўыс берди, төртеўи Төребектиң жеңисин исенимли көрсетти.
Боксшылар саны бойынша ярым финалда Россия (13), Өзбекстанда 9, Қазақстанда 6, Арменияда 5 боксшы жетекшилик етпекте.
Боксшыларымыз қатнасыўындағы ярым финал жуплықларының қурамы төмендегише:
-54 кг: Асылбек Жалилов - Виачеслав Рогозин (Россия);
-60 кг: Абдумалик Халоков - Артур Базеян (Армения);
-67 кг: Асадхожа Муйдинхожаев - Алехандро Парасчив (Молдова);
-75 кг: Фазлиддин Эркинбаев - Сабыржан Аққалиқов (Қазақстан);
+92 кг: Арман Маханов - Давыт Чалоян (Армения);
-51 кг: Ҳасанбой Дўсматов - Рудольф Гарбоян (Армения);
-57 кг: Хўжаназар Нортожиев - Хусравхон Раҳимов (Тәжикстан);
-80 кг: Жавоҳир Умматалиев - Арлен Лопес Кардона (Куба);
-92 кг: Төребек Ҳабибуллаев - Альфонсо Домингес (Әзербайжан).
Бул ҳаққында Өзбекстан бокс федерациясының телеграм каналы хабар бермекте.
Жигитлеримизге әўмет! Бүгин хабар берилгениндей, Фазлиддин Эркнибоев кеше жарақат алған ҳәм бүгин Аққалиқовқа қарсы гүреспейтуғын болды. Әттең!
