Чокай Кочар ўатанласларымыз арасында аўызбиршиликти беккемлеў, өзбек миллий мәдениятын халықаралық көлемде кеңнен үгит-нәсиятлаў жолындағы пидәкерлик ҳәрекетлери ушын усы жоқары итибарға ылайық көрилди.
Өзбекстан елшиханасында шөлкемлестирилген илажда мәмлекетимиз елшиси Илҳом Ҳайдаров Чокай Кочарға Өзбекстан мәденияты елшиси көкирек белгиси ҳәм арнаўлы сертификатты салтанатлы түрде тапсырды.
Чокай Кочар бул жоқары лаўазымға мүнәсип көрилгени ушын Өзбекстан басшысына миннетдаршылық билдириў менен бирге, мәмлекетимиздиң бай тарийхый ҳәм мәдений мийрасын Түркияда кеңнен үгит-нәсиятлаўға бар билим ҳәм имканиятларын жумсайтуғынын билдирди.
"Еки мәмлекет басшыларының биргеликтеги ҳәрекетлери себепли Өзбекстан - Түркия стратегиялық шериклик қатнасықлары сапа жағынан жаңа басқышқа көтерилди, - деди ол. - Бирге ислесиў барлық бағдарда, атап айтқанда, мәдений-гуманитарлық тараўда жеделлесип бармақта. Маған Өзбекстан мәденияты елшиси статусының берилиўи болса еки туўысқан халық арасындағы мәдений байланысларды және де беккемлеўге хызмет етеди.
