Илаж мәмлекетлик уйымлар, суд системасы, ҳуқық қорғаў уйымлары, инсан ҳуқықлары бойынша миллий институтлар, адвокатура, академиялық жәмийетшилик, сондай-ақ, халықаралық шөлкемлердиң ўәкиллерин бирлестирди.
Инсан ҳуқықлары бойынша миллий орай директоры, БМШ Инсан ҳуқықлары бойынша комитетиниң ағзасы Акмал Саидов өзиниң қутлықлаў сөзинде еркинлик ҳәм жеке қол қатылмаслық ҳуқықын тәмийинлеў ҳуқық үстинлиги ҳәм жәмийеттиң мәмлекет институтларына исениминиң әҳмийетли нормаларынан бири екенин атап өтти. Жаңа Өзбекстан инсан ҳуқықларын қорғаўдың миллий ҳуқықый ҳәм институционаллық механизмлерин избе-из беккемлеп атырғаны, БМШтың Инсан ҳуқықлары бойынша кеңесиниң арнаўлы тәртип-қағыйдалары менен бирге ислесиўди кеңейтип атырғаны, халықаралық бирге ислесиўге ҳуқықты қолланыў жумысын жетилистириўдиң әмелий қуралы сыпатында қарап атырғаны атап өтилди.
Семинардың тийкарғы спикери БМШ Инсан ҳуқықлары бойынша кеңесиниң Өзбасымшалық пенен услап турыўлар бойынша жумысшы топарының баслығы Ганна Юдковская болып, ол жумысшы топардың ўәкиллиги, оның жеке хабарларды көрип шығыў тәртиби, жедел ҳәрекет етиў механизмлери, сондай-ақ, миллий ҳәкимият уйымлары менен бирге ислесиў әмелияты бойынша түсиниклер берди.
Додалаўлар даўамында төмендегилер көрип шығылды:
- еркинен айырыўдың нызамлылығын тәмийинлеўдиң халықаралық стандартлары;
- услап турыў ҳәм қамақта сақлаў ўақтындағы процессуал кепилликлер;
- Мәмлекетлердиң Жумысшы топардың мүрәжатлары ҳәм усынысларына мүнәсибет билдириў тәртиби;
- уйымлараралық муўапықластырыўды ҳәм мәлимлеме алмасыўды күшейтиў мәселелери.
Семинар қатнасыўшылары тиккелей кәсиплик тәжирийбе алмасыўдың әмелий әҳмийетин атап өтти ҳәм БМШ механизмлери менен өзбасымшалық пенен услап турыўлардың алдын алыў ҳәм миллий ҳуқықты қолланыў әмелиятын жетилистириў тараўындағы бирге ислесиўди буннан былай да раўажландырыўға таяр екенлигин тастыйықлады.
Семинардың өткерилиўи Жаңа Өзбекстанның инсан ҳуқықларын қорғаў миллий системасын беккемлеў, ҳуқықый ағартыўшылықты раўажландырыў ҳәм мәмлекетлик уйымлардың жумысына халықаралық стандартларды енгизиў бағдарындағы избе-из сиясатты әмелге асырыўда гезектеги қәдем болды.
Өзбекстан Республикасының Инсан ҳуқықлары бойынша
Миллий орай баспасөз хызмети.
