Өзбекстан аймағы бойынша май айының биринши он күнлигиниң үлкен бөлиминде тийкарынан жүдә жыллы ҳәм қурғақ ҳаўа-райы болыўы күтилмекте.

Күндизги ўақытлары ҳаўа 1-2-майда 28-30 дәрежеге шекем ысыйды, 3-7-майда 34-37 дәрежеге шекем көтериледи.

1-2-май күнлери Ферғана ойпатлығы ўәлаятларында айырым жерлерде қысқа мүддетли гүлдирмама жаўын жаўады, республиканың таў алды ҳәм таўлы аймақларында жаўын жаўады, айырым жерлерде күшли болады, гүлдирмама бақланыўы мүмкин.

Республиканың қалған аймақларында 1-7-май күнлери жаўын-шашын күтилмейди.

Биринши он күнликтиң ақырында температура фоны бираз төменлейди, айырым жерлерде қысқа мүддетли жаўын жаўыўы, гүлдирмама болыўы мүмкин.

Кейин ала, май айының ақырына шекем, температура түнде 17-22 градустан 10-15 градусқа шекем, күндиз 32-37 градустан 25-30 градусқа шекем өзгерип турады.

Екинши ҳәм үшинши он күнликлердиң айырым күнлеринде республика бойынша айырым жерлерде қысқа мүддетли гүлдирмама жаўынлар жаўады, айырым жерлерде жаўын-шашын характерине ийе болған жергиликли жаўынлар жаўады. Ҳәтте бир қала ишинде де май айы жаўынлары бир аймақта күшли жаўын жаўыўы ҳәм қаланың басқа шетинде болса ол дерлик сезилмеўи мүмкин.

2025-жыл май айында орташа айлық температура климатлық норма әтирапында, айырым жерлерде оннан 1-2 дәрежеге жоқары болыўы күтилмекте.