Пәрманға бола, 2025-жылы базар принциплерине тийкарланған ипотека кредитлери арқалы халықты турақ жай менен тәмийинлеў бағдарламасының тийкарғы бағдарлары етип төмендегилер белгиленди:
аймақларда жәми 8,1 миллион квадрат метрден ибарат 135 мың квартиралы турақ жайларды қурыў;
ипотека кредитлери бойынша дәслепки төлем ҳәм процент төлемлериниң бир бөлегин қаплаў ушын субсидиялар санын 1,5 есеге арттырыў ҳәм усы мақсетлерге Мәмлекетлик бюджеттен 2,5 триллион сум қаратыў;
турақ жай ҳәм ипотека базарын финанслық ресурслар менен тәмийинлеў ушын 20,9 триллион сум муғдарында ипотека кредитлерин ажыратыў;
"Жаңа Өзбекстан" ҳәм басқа да массивлерде көп квартиралы турақ жайларды қурыўда қатнасатуғын қурылыс шөлкемлерин айланыс қаржылар менен тәмийинлеў ушын Мәмлекетлик бюджеттен 700 миллиард сум және коммерциялық банклердиң өз қаржылары есабынан 3,0 триллион сум муғдарындағы қаржыларды қаратыў.
2025-жылы "Жаңа Өзбекстан" ҳәм басқа да массивлерде көп квартиралы турақ жайлар қурыўдың мақсетли көрсеткишлери тастыйықланды.
2025-жыл 1-марттан "Жаңа Өзбекстан" массивлери ушын жаңа аймақлар урбанизация принциплерине муўапық таңланады.
