Тәреплер саўда-экономикалық байланысларды буннан былай да раўажландырыў, өз-ара товар алмасыўды көбейтиў, исбилерменлер ушын қолайлы шараятлар жаратыў мәселелерин додалады. Өзбекстаннан қурылыс материаллары, электротехника, жеңил санаат ҳәм азық-аўқат өнимлериниң экспортын кеңейтиўге айрықша итибар қаратылды.
Сондай-ақ, саўда көлемин арттырыў ушын логистика ҳәм бажыхана тәртип-қағыйдаларын әпиўайыластырыў, еки мәмлекет исбилермен топарлары арасындағы бирге ислесиўди жеделлестириў мәселелери додаланды.
Ушырасыў жуўмағында тәреплер саўда-экономикалық бирге ислесиўди раўажландырыў, жаңа экспорт бағдарларын ашыў ҳәм еки тәреплеме байланысларды беккемлеў бойынша биргеликтеги жумысларды даўам еттириўге келисип алды.
