Тәреплер еки мәмлекет жоқары билимлендириў мәкемелери арасындағы тиккелей бирге ислесиўди және де раўажландырыў, соның ишинде, профессор-оқытыўшылар ҳәм студентлердиң академиялық алмасыўлары, қәнигелер ҳәм изертлеўшилердиң халықаралық әнжуманлар, семинарлар, симпозиумлар ҳәм дөгерек сәўбетлеринде қатнасыўын додалады.
Өзбекстан ҳәм Греция арасында жоқары билимлендириў тараўындағы бирге ислесиў ҳәзирги ўақытта тийкарынан тәжирийбе алмасыў, қоспа билимлендириў жойбарларын әмелге асырыў ҳәм академиялық мобилликти кеңейтиўге хызмет ететуғын ЕАның «Erasmus+» бағдарламасы шеңберинде әмелге асырылып атырғаны атап өтилди.
Ҳәзирги ўақытта Ташкент мәмлекетлик техника университети Афина технология институты, Әндижан машина қурылысы институты Батыс Аттика университети менен бирге ислеспекте. Баслама шеңберинде Греция университетлери ҳәм Өзбекстанның басқа да жоқары оқыў орынларын қоспа жойбарларға жалғаў усыныс етилди.
Сондай-ақ, Греция жоқары оқыў орынларының профессор-оқытыўшылары ҳәм қәнигелери Өзбекстанның билимлендириў мәкемелерине лекциялар оқыў, оқыў сабақлары өткериў ҳәм тәжирийбе алмасыў ушын турақлы түрде мирәт етиледи. Греция илимпазларын технология, инженерлик, туризм ҳәм мәденият тараўларында шеберлик сабақлары ҳәм илимий изертлеўлер ушын тартыўға айрықша қызығыўшылық билдирилмекте.
Ушырасыў жуўмағында тәреплер жоқары оқыў орынлары арасындағы байланысларды раўажландырыў, биргеликтеги илимий-изертлеў жойбарларын әмелге асырыў ҳәм Европа Аўқамының «Erasmus+» бағдарламасы шеңберинде бирге ислесиўди беккемлеўди даўам еттириўге келисип алды.
