Тәреплер шегара алды аймақларда биргеликте геологиялық-излеў жумысларын алып барыў, мәлимлеме алмасыў ҳәм муўапықластырыў тәртибин додалады, деп хабар бермекте "Дунё" МА.
Өзбекстан аймағындағы перспективалы майданларды биргеликте үйрениўге таярлық билдирилди, бул бағдарда турақлы жумысшы сөйлесиў даўам еттириледи.
Сондай-ақ, нефть-газ-химия тармағында қосымша қун шынжырын раўажландырыўға қаратылған бирге ислесиў мәселелери көрип шығылды.
Қашқадәрья ўәлаятында қоспа кәрханаларды шөлкемлестириў ҳәм зәрүр жойбар ҳүжжетлерин ислеп шығыў мәселелери бойынша пикир алысылды.
Тәреплер полимер шийки затын ислеп шығарыў, автомобиль қурылысы, аўыл хожалығы, тоқымашылық ҳәм басқа да тараўларда қосымша қун жаратыў бойынша жойбарларды әмелге асырыў ушын еки мәмлекет кәрханаларының ўәкиллери арасында сөйлесиўди жолға қойыўға келисип алды.
