Ушырасыўда тәреплер Өзбекстан, Россия ҳәм Қазақстан арасында агросанаат өнимлерин темир жол арқалы тасыўды кеңейтиў имканиятлары ҳәм "АгроЭкспресс" жойбарын әмелге асырыў мәселелерин додалады.
Үш мәмлекет темир жоллары арасында бирден-бир жеңиллетилген тариф енгизиў, бажыхана ҳәм шегара тәртип-қағыйдаларын әпиўайыластырыў зәрүрлигине айрықша итибар қаратылды.
Ушырасыў жуўмағында тәреплер жойбарды толық додалаў ҳәм келешекте әмелий илажларды биргеликте әмелге асырыў ушын Қазақстан қатнасыўында үш тәреплеме ушырасыў өткериўге келисип алды.
