Онда еки мәмлекеттиң жанылғы-энергетика компанияларының басшылары ҳәм жуўапкер ўәкиллери де қатнасты.

Сөйлесиўде еки дос ҳәм туўысқан мәмлекет басшылары - Өзбекстан Республикасы Президенти Шавкат Мирзиёев ҳәм Түркменстан Президенти Сердар Бердимуҳамедовтың басламалары менен еки тәреплеме қатнасықлар, соның ишинде, жанылғы-энергетика тараўындағы бирге ислесиў избе-из ҳәм нәтийжели раўажланып атырғаны атап өтилди.

Ташкентте болып өткен Орайлық Азия мәмлекетлери басшыларының жетинши Мәсләҳәт ушырасыўы шеңберинде Өзбекстан ҳәм Түркменстан арасындағы стратегиялық шерикликти беккемлеў ҳәм көп қырлы бирге ислесиўди және де кеңейтиўге қаратылған еки тәреплеме келисимлердиң салмақлы топламы тастыйықланғаны атап өтилди.

Тәреплер жанылғы-энергетика тараўында өз-ара пайдалы ҳәм конструктивлик бирге ислесиўди буннан былай да раўажландырыў бойынша еки мәмлекет басшылары тәрепинен белгиленген ўазыйпаларды биргеликте нәтийжели әмелге асырыўға келисип алды.