Президент Администрациясының Креатив экономика ҳәм туризм департаментиниң баслығы, ЮНЕСКО жумыслары бойынша Өзбекстан Миллий комиссиясының бас хаткери Гаянеэ Умерова Президент Администрациясының баслығы етип сайланды. Бул қарар мәмлекеттиң халықаралық мәдений дипломатиядағы орны артып баратырғанының тән алыныўы ҳәм ЮНЕСКОның глобал күн тәртибин раўажландырыўға қосып атырған үлесиниң тастыйығы болды.
Ассамблея Пүткил жер жүзилик мийрас объектлерин сақлаў, ғалаба ен жайдырыў ҳәм басқарыў тараўындағы жумыслардың стратегиялық бағдарларын белгилейди. Баслық мәжилислерге басшылық етеди, Жәҳән мийрасы комитети ҳәм Секретариат пенен бирге ислесиўди муўапықластырады.
Бас ассамблеяның 25-сессиясында Жәҳән мийрасы комитетиниң жаңа ағзаларын сайлаў, объектлерди сақлаў стратегиялары, шерикликти раўажландырыў ҳәм мәденият тараўында санлы технологияларды енгизиў мәселелери көрип шығылады. Жасларды тартыў ҳәм мәдений туризмди раўажландырыўға айрықша итибар қаратылады.
Ассамблея бюросы географиялық теңсалмақлылықты есапқа алған ҳалда қәлиплестирилди: баслықтың орынбасарлары Бельгия, Мексика, Қазақстан ҳәм Сенегал ўәкиллери, шығып сөйлеўшиси болса марокашлы Науфель Эль Маждуб болды.
Гаянэ Умерованың сайланыўы тек ғана Өзбекстан емес, ал пүткил регион ушын әҳмийетли жетискенлик болып есапланады. Орайлық Азия заманагөй мәдений-гуманитарлық басламалар орайы сыпатында барған сайын белсендилик көрсетпекте.
ЮНЕСКОның Самарқандтағы сессиясы тарийхый болды: Самарқандтың тарийхы кеминде 3 мың жыллық екени тастыйықланды, жасалма интеллект этикасы бойынша биринши халықаралық "Абу Райхан Беруний атындағы ЮНЕСКО - Өзбекстан" сыйлығы шөлкемлестирилди ҳәм шөлкемниң жаңа Бас директоры етип Египеттен Холед эль-Энаний сайланды.
Усы тәризде Самарқанд мийрас, инновация ҳәм этика тараўында глобал күн тәртибин қәлиплестиретуғын қарарлар қабыл етилетуғын жәҳән мәденият ҳәм илим орайы статусын және бир мәрте тастыйықлады.
