Илажда Аўғанстан ҳүкимети, Өзбекстан, Түркменстан ҳәм Тәжикстан энергетика министрликлери делегациялары, халықаралық шөлкемлер ҳәм дипломатиялық миссиялардың ўәкиллери қатнасты.
Өзбекстан Энергетика министрлиги баспасөз хызметиниң мәлим етиўинше, әнжуман шеңберинде Аўғанстанда 220-500 кВ күшлениўге ийе электр узатыў тармақлары ҳәм подстанциялар қурыў бойынша финанслық келисимге қол қойылып, жойбардың әмелге асырылыўы басланды. Қурылысты 2027-жылдың биринши шерегинде жуўмақлаў режелестирилген.
Жойбардың әмелге асырылыўы Өзбекстан ҳәм Аўғанстан арасында электр энергетикасы тараўындағы бирге ислесиўди беккемлеўге хызмет етеди. Өзбекстан, сондай-ақ, бөлистириў тармақларын модернизациялаў, есап-санақтың интеллектуаллық системаларын енгизиў ҳәм техникалық экспертиза арқалы энергияның исенимли жеткерип берилиўин тәмийинлеўди қоллап-қуўатлаўға таяр екенин тастыйықлады.
Конференция Аўғанстан экономикасын раўажландырыў ҳәм регионның турақлы энергетика инфраструктурасын қәлиплестириў жолында әҳмийетли қәдем болды.
