Конференция шеңберинде 2027-жылы күшке киретуғын Жәҳән антидопинг кодексиниң жаңа редакциясы додаланбақта. Жаңаланған ҳүжжетке халықаралық антидопинг системасының ашық-айдынлығы ҳәм нәтийжелилигин арттырыў, спортшылардың ҳуқықларын қорғаўды күшейтиўге қаратылған бир қатар әҳмийетли жаңалықлар киргизилген.
Өзбекстан делегациясы ХОҚ президенти Кирсти Ковентри, WADA президенти Витольд Банка, ХОҚ ҳүрметли президенти Томас Бах ҳәм жәҳән спорт жәмийетшилигиниң басқа да жоқары мәртебели ўәкиллери менен сөйлесиўлер өткермекте. Бирге ислесиўди тереңлестириў ҳәм антидопинг басламаларын және де раўажландырыў перспективалары додаланбақта.
Сондай-ақ, ушырасыўлар даўамында 2026-жыл 26-27-январь күнлери Өзбекстанда өткерилиўи режелестирилген Регионаллық антидопинг шөлкеминиң (RADOCA) жыллық есап бериў мәжилисине таярлық көриўдиң шөлкемлестириў мәселелери көрип шығылмақта.
