Акселераторда қатнасыў «Heemera» ушын қәнигелер ҳәм Google экосистемасының техникалық ҳәм бизнес экспертизасына, сондай-ақ, компания ҳәм оның өнимлериниң раўажланыў стратегиясы бойынша жеке жәрдем, қәнигелестирилген тренинглер, менторлық қоллап-қуўатлаў ҳәм мәсләҳәтлерге жол ашады.
Бағдарлама шеңберинде «Heemera» топары блокчейн-анализ, крипто-изертлеўлер ҳәм санлы активлерди қайтарыў тараўында өз АИ-шешимлерин және де раўажландырыў, сондай-ақ, халықаралық базарларда бизнести кеңейтиў мақсетинде Google экспертлери менен тығыз бирге ислеседи.
«Heemera»ның акселераторға қосылыўы Өзбекстанда крипто-активлер айланысы ҳәм жасалма интеллект тараўындағы инновациялық жойбарларды алға қойыўда әҳмийетли қәдем болды, бул болса мәмлекеттиң регионаллық крипто-индустрия ҳәм заманагөй технологиялар орайларынан бири сыпатындағы абырайын беккемлемекте.
