Ҳүжжетке муўапық, өзбекстанлы жас қәнигелер ўәлаяттың ири санаат тармақларында аймақлық виза тийкарында ислеўи, жоқары маман кадрлар сыпатында билим ҳәм кәсиплик шеберлигин раўажландырыўы мүмкин болады.
"Бүгинги Миграция агентлиги менен дүзилген келисим - ўәлаятымыз тарийхында сырт ел жумысшы күшин тартыў бойынша биринши ҳүжжет. Биз тил билиўге айрықша итибар қаратып атырмыз, өзбек жасларының таярлық дәрежеси ҳәм билимлендириў системасын жоқары баҳалаймыз", - деп атап өтти Кёнсаннам-до губернаторы Пак Вансу.
Сондай-ақ, ушырасыўда тәреплер мәўсимлик жумысшылар ушын Е-8 виза бағдарламасын додалап, келешекте бул бағдарда да биргеликтеги жойбарларды әмелге асырыўға келисип алды.
Мағлыўмат ушын:
Е-7 (Specially Designated Activities Visa) - белгили бир қәнигеликлер бойынша маманлыққа ийе болған сырт еллилерге берилетуғын кәсиплик жумыс визасы.
Е-8 (Seasonal Worker Visa) - сырт еллилерди аўыл хожалығы ҳәм балықшылықта мәўсимлик жумысларға тартыў ушын ўақтыншалық виза.
