Бул ҳаққында 26-февраль, пийшемби күни кеште Вашингтон ҳәм Тегеран делегациялары арасында дәлдалшылық етип атырған Оман ўәкиллери мәлим етти.
"Биз АҚШ ҳәм Иран арасындағы сөйлесиўлердеги сезилерли илгерилеўден соң күнди жуўмақладық", деп атап өтти Оман сыртқы ислер министри Бадр ал-Бусайдий. Сондай-ақ, ол келеси ҳәптеде Вене қаласында "техникалық дәрежеде"ги сөйлесиўлердиң жаңа басқышы болып өтетуғынын да қосымша етти.
Америка Қурама Штатлары делегациясына Дональд Трамптың арнаўлы ўәкили Стивен Уиткофф ҳәм Америка Қурама Штатлары Президентиниң күйеўи Джаред Кушнер кирди. Ушырасыўда Иран мәмлекетиниң сыртқы ислер министри Аббос Арагчи қатнасты.
Axiosтың жазыўынша, тәреплер 26-февраль күни азанда ҳәм кеште еки сессия даўамында сөйлесиў өткерген. Басылымның жазыўынша, азанғы ушырасыўдан кейин Америка делегациясы "үмитсизленип" қалған, бирақ кешки мәжилисти Уиткофф ҳәм Кушнер "унамлы" деп баҳалаған.
Иран ядро объектлерин демонтаж етиўден бас тартпақта
Қатар "Аль-Жазира" телеканалының мағлыўматына бола, азанғы мәжилис ўақтында Иран АҚШ пенен өзиниң ядролық келисим жойбарын усынды. Басылымның дереклерине бола, Тегеран уранды байытыўды тек ғана ўақытша тоқтатыўға таяр ҳәм ядролық объектлерди демонтаж етиўден бас тартпақта. Иран ҳүкимети уран резервин төмен дәрежеге шекем қысқартыўға ҳәм ядро объектлерине МАГАТЭ ўәкиллерин киргизиўге таяр.
CNN хабаршысы Иран делегациясына жақын дереклерге сүйенип, Иранның АҚШ пенен келисиўге таяр екенин, тек ғана АҚШтың барлық санкциялары ҳәм БМШ Қәўипсизлик кеңесиниң резолюциялары бийкар етилген жағдайда ғана алыўға таяр екенин мәлим етти. Буннан алдын мәмлекет сыртқы ислер министриниң орынбасары Мажид Тахт-Равончи усындай баянат берген еди, деп жазбақта dw.com.
