Жойбар шеңберинде геодезиялық өлшеўлер өткерилип, 187А түриндеги тийкарғы пункт ҳәм 161-оп түриндеги еки фундаменталлық репер (жумыс орайлары) орнатылды.
Басланғыш "ноль" ноқат мәмлекеттиң барлық координаталар системасы ушын тийкарғы таяныш база болып есапланады - барлық картографиялық, геодезиялық ҳәм кадастр өлшеўлериниң есап-санақлары усы ноқаттан алып барылады.
Бул ноқатты жаратыў төмендегилерге имкан береди:
геодезия ҳәм кадастр жумысларын әмелге асырыўда мағлыўматлардың бирден-бир анықлығы ҳәм үйлесимлилигин тәмийинлеў;
карталастырыў ҳәм инфраструктуралық режелестириўдиң сапасын арттырыў;
бирден-бир мәмлекетлик координаталар системасынан пайдаланыўды турақластырыў.
Басқаша айтқанда, "ноллик ноқат" барлық өлшеўлер ушын дәслепки орын ҳәм Өзбекстан геодезия системасының тийкарғы бағдары болады.
Келешекте пункт мәмлекетимиз координаталар системасының тийкарғы ноқаты ўазыйпасын атқарады ҳәм оны халықаралық координаталар системасы менен муўапықластырыў режелестирилмекте.
