Ушырасыўда Өзбекстан менен АҚШ арасындағы бирге ислесиўдиң бүгинги жағдайы ҳәм перспективалары бойынша пикир алысылды.
Кейинги жылларда Өзбекстан ҳәм АҚШ арасындағы стратегиялық бирге ислесиў сезилерли дәрежеде жеделлескени атап өтилди. Өзбекстан Республикасы Президенти Шавкат Мирзиёевтиң АҚШ Президенти Дональд Трамп пенен усы жылдың ноябрь айында Ақ үйде болып өткен сөйлесиўлери, сөзсиз, еки тәреплеме байланыслар жаңа басқышқа көтерилгенин тастыйықлайды.
Сөйлесиў ўақтында Өзбекстан менен АҚШтың Юта штаты арасындағы экономикалық, билимлендириў ҳәм гуманитарлық байланыслар избе-из беккемленип атырғаны атап өтилди. Атап айтқанда, "Өзбекстан - Юта" басламасы шеңберинде әмелге асырылып атырған 64 биргеликтеги жойбардан 45 и табыслы жуўмақланды. Бул жойбарлар дипломатия, саўда, инвестиция, билимлендириў, денсаўлықты сақлаў ҳәм мәдений алмасыў сыяқлы тараўларды қамтып алған.
Сөйлесиў даўамында санлы технологиялар, жасалма интеллект ҳәм IT-билимлендириў тараўларында бирге ислесиў мәселелери де додаланды.
