Экспозицияда автомобиль, темир жол, теңиз ҳәм авиация тасыўлары, мультимодал логистика, қоймахана технологиялары, санлы хызметлер ҳәм жеткерип бериў шынжырын басқарыўға байланыслы шешимлер көрсетилген. Заманагөй қоймаханалар ҳәм электрон коммерция технологияларына айрықша итибар қаратылды.
Исбилерменлик бағдарламасы шеңберинде халықаралық авиация-логистика форумы, семинарлар ҳәм санлы шешимлердиң презентациялары өткерилмекте. Илаж транспорт-логистика тараўын раўажландырыў ушын тиккелей сөйлесиў, тәжирийбе алмасыў ҳәм шериклер табыў ушын майдан жаратады.
Қатнасыўшылар арасында жетекши жергиликли компаниялар (Uzbekistan Airways, Uzbekistan Airports, Centrum Logistics Group, First Dry Port Terminal) ҳәм белгили халықаралық ойыншылар (ASSTRA, Logenix International, Daobit, Transmashholding) бар.
Көргизбе Нызамшылық палатасының комитети, Транспорт ҳәм инвестициялар, Санаат ҳәм саўда министрликлери, Өзбекстан ССП ҳәм Ташкент қаласы ҳәкимлиги тәрепинен қоллап-қуўатланбақта.
