Көргизбе ҳәр қыйлы мәмлекетлерден мийманхана ҳәм ресторан тараўының ўәкиллери, үскене ҳәм технологиялар жеткерип бериўшилери, дизайнерлер, архитекторлар, инвесторлар ҳәм экспертлерди бирлестиреди.
Илаж HoReCa тараўын раўажландырыўдың тийкарғы тенденциялары - санластырыў, турақлы раўажланыў, келешек хызмети, ресторан франшизалары ҳәм гастрономиялық туризмди додалаў ушын орайлық майданға айланды.
Ашылыў мәресиминен соң жуўапкерлер ҳәм мийманлар көргизбе стендлериниң экспозициялары менен танысты. Быйылғы көргизбеде мийманхана ҳәм ресторан санаатының ең соңғы жетискенликлерин көрсеткен 100 ден аслам компания қатнасты. Мийманлар хызмет сапасын арттырыўға қаратылған заманагөй үскенелер, IТ-шешимлер, инновациялық гастрономиялық өнимлер менен танысыў имканиятына ийе болды.
Илаж шеңберинде "Сервис ҳәм қолайлыққа инвестиция: HoReCa ушын бизнес шешимлер" атамасында халықаралық конференция болып өтти. Қатнасыўшылар мийманханалар архитектурасы ҳәм дизайнының келешеги, санлы технологияларды енгизиў, хызмет көрсетиў стандартларының турақлылығы ҳәм раўажланыўы, франчайзинг ҳәм гастротуризмниң регионаллық өсиў факторы сыпатындағы ролин додалады.
Сондай-ақ, Hilton, Hyatt, InterContinental, Accor, JW Marriott сыяқлы жетекши мийманхана тармақлары ҳәм мәмлекетимиздиң жоқары оқыў орынлары жас қәнигелерге миймандослық тараўындағы кәсиплик имканиятларды усыныс еткен Бәнтлик орынлары ярмаркасы айрықша қызығыўшылық оятты.
22-октябрь күни болып өтетуғын «Gastro Forum 2025» халықаралық гастрономиялық форумы тийкарғы ўақыялардан бири болады. Онда рестораншылар, шеф-аспазлар, азық-аўқат өнимлерин ислеп шығарыўшылар, гастроэкспертлер ҳәм туризм тараўы ўәкиллери қатнасады. Өзбекстанда биринши мәрте екиMichelin жулдызы ийеси - франциялы аспаз өзиниң философиясы ҳәм асхана ҳәм сервис тараўында дүнья стандартларына ерисиў бойынша тәжирийбеси менен бөлисти.
HoReCa Expo Uzbekistan 2025 көргизбеси тәжирийбе алмасыў, исбилерменлик байланысларын орнатыў, жаңа шешимлерди таныстырыў ҳәм табыслы халықаралық әмелиятларды үйрениў ушын теңсиз платформа болып есапланады.
Илаж Өзбекстан Республикасы Экология, қоршаған орталықты қорғаў ҳәм климат өзгериўи министрлиги жанындағы Туризм комитети ҳәм Өзбекстан отельерлер ассоциациясы тәрепинен шөлкемлестирилди.
