Пәрманға бола, 2027-жыл 1-январьдан баслап социаллық ҳәм өндирислик инфраструктураны раўажландырыў бағдарламаларының жойбарларын қәлиплестириўден баслап, пайдаланыўға тапсырыўға шекем болған барлық процесслер толық санластырылады. Бунда төмендегилер анықланды:
Экономика ҳәм қаржы министрлигиниң "Капитал қойылмалар" автоматластырылған мәлимлеме системасында раўажландырыў бағдарламаларын электрон форматта қәлиплестириў;
Мәмлекетлик бюджет есабынан қаржыландырылатуғын жойбарлардың жойбарлаў-смета ҳүжжетлерин "Шаффоф қурилиш" платформасында ислеп шығыў ҳәм экспертизадан өткериў;
"Шаффоф қурилиш" платформасында ислеп шығылған жойбарлаў-смета ҳүжжетлери тийкарында "Капитал қойилмалар" автоматластырылған мәлимлеме системасында орынланған жумыслар бойынша буйыртпашылар ҳәм жумысты бөлип алып ислеўшилер арасындағы есап-фактураларды келисиўди әмелге асырыў.
2026-жыл 1-июльден баслап усы процесслер шеңберинде космослық сүўретлер ҳәм дронлар жәрдеминде қурылыс ҳәм қаржыландырыў көлемлерин салыстырыў арқалы автомобиль жоллары қурылысының мониторинги әмелге асырылады.
2026/2027-оқыў жылынан баслап Ташкент мәмлекетлик экономика университетинде Билимлендириў бағдары тәризинде Мәмлекетлик аудит жоқары мектеби шөлкемлестириледи.
