Пәрманға муўапық, мәмлекетлик уйымларда мәмлекетлик пуқаралық хызметиниң бос лаўазымларын ийелеўдиң жаңа системасы енгизиледи.
2026-жыл 1-марттан баслап:
- «vacancy.gov.uz» электрон платформасында мәмлекетлик пуқаралық хызметиндеги бос жумыс орынлары ҳаққындағы мағлыўматлар жәрияланады;
- пуқаралар ушын қолайлы болған қәнигелик, лаўазым, мийнетке ҳақы төлеў талапларын белгилеген ҳалда «vacancy.gov.uz» электрон платформасында "жумыс излеп атырған" статусында дизимнен өтиў имканияты жаратылады;
- «vacancy.gov.uz» электрон платформасында дизимнен өткен ҳәм мәмлекетлик пуқаралық хызметине кириў бойынша тест сынақларынан табыслы өткен пуқаралар усы платформадағы бос жумыс орынларына талабан болыўы мүмкин.
Бунда:
- пуқаралар ушын шахсты идентификациялаў ҳәм тест сынақларын қадағалаўдың арнаўлы онлайн системасы арқалы ямаса Агентликтиң арнаўлы үскенеленген имаратларында тест сынақларын тапсырыў имканияты жаратылады;
- тест нәтийжелери 1 жылға шекем әмел етеди;
- таңлаўдың қосымша басқышы сыпатында шөлкемлестирилетуғын қәнигелик бойынша билимди баҳалаў тест сынақлары Мәмлекетлик уйымлардың буйыртпалары агентлиги жанындағы Басшы кадрларды баҳалаў орайы тәрепинен шәртнама тийкарында өткериледи.
