Өзбекстан Республикасы Президентиниң 2025-жыл 19-марттағы "Мектепке шекемги ҳәм мектеп билимлендириўи тараўында басқарыў системасының нәтийжелилигин арттырыўдың қосымша илажлары ҳаққында"ғы ПП-51-санлы Пәрманына муўапық, "Директор қоры"нан берилетуғын сыйлық муғдары мийнетке ҳақы төлеўдиң ең аз муғдарының 75 процентине шекем етип белгиленген. Алдын бул көрсеткиш 50 процент еди.
Бул сыйлықтың ең жоқары муғдары ҳақыйқатында да 953 мың 250 сум болыўы мүмкин, бирақ мектептиң финанслық жағдайына қарап төлем муғдары аз болыўы мүмкин - мәселен, ең кем мийнет ҳақының 75 проценти, 60 проценти ямаса 50 проценти.
Әҳмийетлиси, сыйлық тек ғана муғаллимлерге емес, ал мектеплердиң барлық хызметкерлерине - басшы ҳәм техникалық хызметкерлерге де бериледи.
Солай етип, ҳәр бир мектептиң имканиятына қарап, сыйлықтың муғдары ҳәр қыйлы болады ҳәм барлық билимлендириў мәкемелеринде бирдей муғдарда болыўын күтиўге болмайды.
