Ҳүжжет атом электр станциялары, киши модулли ядро реакторлары, изертлеў ядро реакторлары, сондай-ақ, басқа да ядро қурылмаларын эксплуатациялаў ҳәм олардан пайдаланыўды тоқтатыў процесинде пайда болатуғын радиоактив шығындылар (РАШ) менен байланыслы жумысларды әмелге асырыўда қәўипсизликти тәмийинлеў бойынша талапларды белгилейди.
РАШ менен ислесиўде төмендеги қәўипсизлик талапларына әмел етиў керек:
хызметкерлердиң нурланыў дозалары үстинен турақлы индивидуал қадағалаўды әмелге асырыў;
РАШ ның активлик дәрежеси бойынша классификациялаў;
РАШ нурланыўының тарқалыўының алдын алыў ушын қорғаныў ҳәм инженерлик тосықларды қолланыў;
хызметкерлерди жеке қорғаныў қураллары ҳәм дозиметрия қадағалаўы қураллары менен тәмийинлесин.
РАШ менен ислесиўде радиациялық қадағалаў формасы объект жойбарында орнатылыўы ҳәм объектти эксплуатациялаў ҳүжжетлеринде көрсетилиўи керек.
Пайдаланыўшы шөлкемлер эксплуатация ҳүжжетлерин, соның ишинде, РАШ менен байланыслы жумысларды әмелге асырыў бойынша көрсетпелер ҳәм қолланбаларды ислеп шығыўды тәмийинлеўи керек.
Атом энергиясынан пайдаланыў процесинде РАШ пайда болыў нормалары, соның ишинде, РАШ пайда болыўының ҳәр жылы режелестирилетуғын муғдарлық көлемлери есабатта көрсетилиўи керек.
