Пәрманға муўапық, 2026-жыл 1-апрельден баслап исбилерменлер ушын муўапықлықты баҳалаў тараўында төмендеги преференциялар енгизиледи:
аккредитация тараўында муўапықлықты баҳалаў уйымлары тәрепинен көрсетилген төлемли хызметлер ушын түсимлерден ажыратпалар 2,5 есеге қысқартылып, 2 процент муғдарында белгиленеди, бул қаржылар толық муғдарда Өзбекстан аккредитация орайының ықтыярында қалады;
исбилерменлер тәрепинен муўапықлықты баҳалаў бойынша хызметлер жолға қойылған тараўларда еки ҳәм оннан артық аккредитациялардың болыўына қарамастан, мәмлекетлик уйымлар ҳәм шөлкемлерге бул тараўда сынаў лабораториялары ҳәм сертификатластырыў уйымларын шөлкемлестириў қадаған етиледи;
Миллий аккредитациялаў системасында аккредитациядан өткен муўапықлықты баҳалаў уйымларына экспорт базарларында талап жоқары болған сырт ел стандартлары тийкарында муўапықлықты баҳалаў жумысларын әмелге асырыўға рухсат бериледи.
Экономиканың төмендеги тармақларында өндирис ҳәм хызмет көрсетиў толық халықаралық стандартлар тийкарында шөлкемлестириледи:
2026-жыл 1-июльден баслап - тоқымашылық, былғары, мебель, электротехника, автомобиль қурылысы ҳәм мәлимлеме технологиялары тармақлары;
2027-жыл 1-январьдан баслап - нефть-газ, металлургия тармақлары, транспорт, қурылыс материаллары ҳәм медицина буйымлары;
2028-жыл 1-январьдан баслап - энергетика, химия тармағы, экология ҳәм хызметлер тараўы.
