Реже исбилерменлер ушын жеңилликлер ҳәм преференциялардың
бирден-бир реестрин (бирден-бир реестр) қәлиплестириў ҳәм жаңалап барыў
тәртибин белгилейди.
Жеңиллик ҳәм преференциялар ҳаққындағы мағлыўматлар Экономика
ҳәм қаржы министрлигиниң «subsidiya.mf.uz»
платформасында қәлиплестириледи ҳәм өз-ара интеграция арқалы БИМХПқа бийпул
киргизиледи.
Мәмлекетлик уйымлар ҳәм шөлкемлер тәмийинлениўи ушын
жуўапкер болған жеңилликлер ҳәм преференциялар ҳаққындағы төмендеги
мағлыўматларды «subsidiya.mf.uz»
платформасы арқалы реестрге жайластырады:
жеңилликтиң атамасы ҳәм түри;
жеңиллик берилиўин белгилеўши нормативлик ҳуқықый акттиң
атамасы, номери, сәнеси ҳәм силтемеси;
жеңилликтиң әмел етиў мүддети;
тәмийинлеў тараўы;
жеңиллик берилетуғын тараўлар;
жеңиллик бериўши субъект категориясы ҳәм басқалар.
Бирден-бир реестрге киргизилетуғын жеңилликлер ҳәм
преференциялар ҳаққындағы мағлыўматлар толық ҳәм исенимли болыўы керек.
