Пәрманды қабыл етиўден мақсет мийўе-овош ҳәм азық-аўқат өнимлериниң экспорт көлемин арттырыў, ыссыхана хожалықларының жумысын буннан былай да раўажландырыў, жаңа резерв ҳәм имканиятларды иске қосыўдан ибарат.
2025-2027-жылларда мийўе-овош ҳәм азық-аўқат өнимлериниң експорт көлемин арттырыў, ыссыхана хожалықларының жумысын буннан былай да раўажландырыў ҳәм қосымша қун шынжырын жаратыў бойынша тийкарғы мақсетли көрсеткишлер етип:
мийўе-овош ҳәм азық-аўқат өнимлериниң экспорт көлемин 2026-жылы 3,5 миллиард АҚШ долларына ҳәм 2027-жылы 4 миллиард АҚШ долларына жеткериў;
тәбийғый газ бенен кепилликли тәмийинленген ыссыхана хожалықларында мийўе-овош жетистириў көлемин 2026-жылы 620 мың тоннаға, 2027-жылы 670 мың тоннаға жеткериў ҳәм экспорт көлемин 30 проценттен 70 процентке арттырыў;
2026-жылы қосымша 20 мың гектар, 2027-жылы 15 мың гектар жерге мийўе-овош нәллери егиўди шөлкемлестириў.
Ыссыхана хожалықларының үзликсиз жумысын тәмийинлеў мақсетинде төмендеги жеңилликлер бериледи:
2026-жыл 1-январьдан 2028-жылдың ақырына шекем социаллық салық ставкасы 1 процент муғдарында белгиленеди;
2025-жыл 1-октябрь жағдайындағы салық қарыздарлығын төлеў мүддети 2028-жылдың ақырына шекем процентлерсиз создырылады.
