Қарар менен усы сәнеге бағышланған илажларға таярлық көриў ҳәм оларды өткериў бағдарламасы тастыйықланды.
Илажлар "Миннет, мәртлик, жигерлилик!" сүрени астында өткериледи. Руўхый-ағартыўшылық ушырасыўлар, "Үш әўлад ушырасыўлары", көргизбелер ҳәм ғалабалық спорт жарыслары шөлкемлестириледи.
Ғәрезсизлик жылларында хызмет ўазыйпасын орынлаў ўақтында қайтыс болған Екинши жер жүзилик урыс қатнасыўшылары ҳәм мийнет фронты ветеранларына, әскерий хызметкерлер ҳәм ҳуқық қорғаў уйымлары хызметкерлериниң шаңарақ ағзаларына материаллық ҳәм руўхый жәрдем көрсетиледи.
Екинши жер жүзилик урыс ҳәм мийнет фронты ветеранларына олардың қәлеўине бола бир жолдасы менен республикадағы санаторийлерге бийпул жоллама бериледи.
Ташкент қаласында 2026-жыл 9-май күни саат 21.00 де Еслеў ҳәм қәдирлеў күнине бағышланған байрам салюти шөлкемлестириледи.
